حوار وطني حول التسريبات لتليفونية

(تحت التجهيز) 

 ـــــ حوار  حقيقي بين  إثنين من الأصدقاء  جرى علي الشات ـــــ

س. صاحبتك دى جابت العربيه اللى مافيش زيها ف مصر منين ؟؟؟ والا انا كمان بغير منها زى اللى بتقوول عليهم ----قووووول واوع تقول ملناش دعوه

 ص. ههههههههههه!.. إيه حكاية العربية ديه؟!.. ماعنديش فكرة عنها!

س. أقولك انا التمن دفعته مصر ليها من دمها

ص. بتقولي الدركسيون ع اليمين!.. ده نظام المرور ف بريطانيا ، وغير مصرح باستعمالها عندنا 

س. طيب اسال واعرف التمن اللى أخدته الاول هى وغيرها مقابل بلدها قبل ما تدافع عنها ---وانا فلول بقى عاوز ايه. لا ياباشا ف عربيات بتدخل البلد للاجانب بصفه خاصه

ص. هاهاهاها!... مش تقولي كده من زمان؟!....بس حقولك حاجة ، مادام مصرة ع مواصلة المناظرة

س. ادينى قلت --اظن ماينفعش يكون لك صحاب فلول. بس برضه. مش ح انسحب من الحوار

ص. يعني إيه الجملة الأخيرة ديه؟!..ادينى قلت اظن ماينفعش يكون لك صحاب فلول انا فلول ما تصاحبنيش

س.ياترى شفت اسماء دى زمان كان شكلها ايه؟؟؟ومستواها ايه ؟منين ده كله اسال نفسك..

ص. ردى الأول ع الاستفسار بتاعي

س. قلت 

ص. يعني إنتي قررتي تبقي فلول فجأة ، علشان أتخلي عن صداقتك؟!

س.طبعا لا بس كله الاّ الخيانه وخيانه مين البلد.بلدها!!! .بقولك كده عشان انت شايفنى كده وانى ماشيه ورا الاعلام عشان انا اااامعه..صح؟؟

ص. يظهر الصداع خف والحمد لله ، وجاتلك طاقة متجددة ، عاوزة تستهلكيها معايا!

س. اناهاديه جدااا ع فكره دى مش خناقه ولا حاجه

ص. كل ده علشان قلتلك عندها لدغة جميلة؟!

س. ولا استهلكها ولا حاجه وبلاش هزار عاوز تتفضل مش ح اصدعك— 

ص. لا.. دانتي فعلا عاوزة تشتبكي!

س. فهمتها كده ؟؟ مش حتناقش معاك تانى ؟؟ بلاها اسماء بنغير منها - - - ووائل غنيم اللى كان بيسرق ملفه برضه لدغته جميله

ص. بلاش مناقشة ف السياسة ، لأنها حتعمل معانا مشكلة

س. هو انا بهزر مش قلنا مناظره ---طيب نتراهن من دلوقتى ان ف ناس منهم)مقلتش كلهم ) باعوا مصر وللاسف بالرخص مهما اخدوا..وافتكر كلامى ده بعدين لما كله يبان ويتكشف

ص. ماهو ده اللي كنت عاوز أقولك عليه

س. ع ايه؟

ص. هل خمسة أو عشرة أو ١٠٠ أو حتي ١٠٠٠ م الشباب نقدر نقول إنهم تسببوا ف قيام ثورة تضم عشرات الملايين!؟ 

 س. رايك ايه؟؟

ص. يعني مش معقول نشوّه الثورة العظيمة ديه ، ونعتبرها مؤامرة أو نكسة ، علي حد تعبير البعض اليومين دول ف وسائل الإعلام

س. انا قلت كده؟؟؟؟..اللى قلته بالحرف-- ف ناس خانوا يبقى لازم يدفعوا تمن خيانتهم

ص. هم بقي دول الوجوه القديمة ، اللي ظهرت الأيام ديه ع الساحة ، وعاوزين يرّجعوا نظام مبارك ، واللي بينشر التسريبات ديه الأيام دى بالذات ، ومش قبل كده ، حتي ولو كانت سليمة ، ماهو إلا مروّج لهذه الوجوه ، اللي أعلن السيسي بنفسه إنه لن يسمح لها بالعودة

س. اعتراضك ع ايه التسجيلات مش بإذن ؟؟ طب تسجيلات ادانه مرسى ف التخابر كانت بإذن--- رد لو سمحت

ص. قلتلك علي وجه الاعتراض خلاص

س. لو العفريت جاب لى شئ ح اخده واحقق فيه مش مهم جابه ازاى المهم المحتوى يكون صح

ص. رأيي للمرة الألف- بطريقتك- إنه موش وقته ، دلوقتي مش عاوزين انقسامات واحنا نواجه مؤامرة دولية..أرجو إن تقتنعي بوجهة نظرى..إحنا ف معركة ، ولازم الجبهة الداخلية تكون متماسكة

س. مش ح ازهق ولا ح انسحب والامور لازم كلها تسير مع بعض واللا يبقى مش وقت حساب مرسى ع خيانته بقى 

ص. الدنيا ماطارتشي

س. لااا طارت اللى خان جه وقت دفع التمن وما يبقاش خاين وبطل قدام الناس

ص. نخلص م الإخوان ومشاكلهم ، ونرسي قواعد الدولة المدنية ، وبعدين نصفّي الحسابات دى كلها ، علي راحتنا

س. ح يقعدوا يستنوك بقى مش كده ؟؟؟؟؟

ص. ده هو وجه الخلاف بيني وبينك ، وبيني وبين اللي بيركزوا ع التسريبات الآن ، والآن بالدات

س. اظن لو انا ماشيه مع الرايجه كان زمانى ماشيه مع الراى العام اللى بيهاجم ظهور التسجيلات دى واقول مش وقتها 

ص. لا بعنيني الآن إذا كانت صحيحة واللا لأ ، اللي يعنيني التوقيت ده ماينفعشي فيه الكلام ده ، لأنه هدفه الوحيد التمهيد لرجوع نظام مبارك

عودة رجال مبارك للظهور
س. والله انا صدمتى كبيره ف البعض منهم اكتر منك بس للاسف. .نظام ايه ايه ح يرجع زى ايه؟؟

ص. سمعتي عن حملة لبناء مستشفي جديد للسرطان باسم مبارك؟!.. لسه سامعها النهارده!.. مبارك عندى هو المتسبب ف كل المآسي اللي بنعاني منها للآن ، ولن أنساق ورا حد عاوز يرجعه أو يرجع نظامه ، زى عبد الرحيم علي..سمعتي عن صدور حكم بعودة اسم مبارك للميادين والمدارس ومحطات المترو؟

س. نظام ايه بس وعبد الرحيم على ح يرجّع حاجه

ص. أمال الناس اللي سالت دماءهم ، وحال البلد اللي اتعطل علي مدى ٣ سنوات ، كان ليه؟!

س. لا كدبّوا الكلام ده

ص. لا.. الحكم صدر ، وآسفين باريس حاولوا ينفذوه بالقوة ، لكن الحكومة حتستأنف..شوفتي فتحي سرور وهاني سرور وحسين مجاور وهم بيروجوا للدستور؟!..

س. خرجتنى ع الموضوع الاساسى - - - الخيانه اللى لازم يدفع تمنها وفورااا

ص. فيه اتجاه لاعتبارالثورة الحقيقية هي ثورة ٣٠ يونيو ، واعتبار ٢٥ يناير مؤامرة ، فمن المستفيد؟!.. نظام مبارك!
 س. السيسى قال لا عوده.ثم ان .ال٢ بيكملوا بعض

ص. لأ ، أنا بقي ماخرجتش ع الموضوع الأساسي ، أنا وضعته ف مكانه ، هي دى النظرة الكلية للأمور ، مش النظرة الجزئية

س. الجزء ح يوصل للكل

ص. السيسي قال لا عودة ليه؟!.. لما أحس بالانقسام اللي أحدثه عبد الرحيم علي

س. والله..السيسى ح يستنى عبد الرحيم على ..مغيب هو بقى وميعرفش حاجه

ص. معلهشي ، إحنا من زمان اعتمدنا الطريقة الكلية ف النظر إلي الأمور ، بدء م التعليم ، وانتهاء للسياسة والاقتصاد..لازم تنظرى إلي المشهد بطريقة بانورامية عامة ، علشان تعرفي إحنا فين بالضبط

س. وايه تاني

ص. وتقريبا هو ده سبب الخلاف بيني وبينك 
س. اللى هو ايه 
ص. بس خلاص.. شعبولا..بس مناقشة مثمرة

س. ده راي مش بختلف معاك..وبراهنك عليه موافق والا لااا

ــــ عود علي بدء ــــ

ص. لميس مستضيفة طارق الخولي..بس تعرفي الكلام اللي ف البيان خطير جدا

س. ف ايه ؟؟؟..كل بيتنصل من ٦ ابريل دلوقتى

ص. معناه إن الإخوان فعلا نجحوا ف استقطاب بعض شباب الثورة ، مستغلين الجفاء اللي حصل بين الحكومة وشباب الثورة ، نتيجة لحملة التشويه اللي سكتت عليها الحكومة ، وملاحقة شباب الثورة عن طريق قانون التظاهر..خدى بالك ، الحوار ده مكمل لحوار العصر

س. والله دلوقتى بس صدقت كنت عاوزه اسمعك تقوله بنفسك..مجاش ف دماغى الكلام ده

ص. أقول إيه بنفسي؟

س. دلوقتى بتعترف بكده

ص. أعترف بإيه؟!.. يظهر إنك مش فاهماني..دانا بالعكس أؤكد كلامي

س. الاستقطاب اللى تم

ص.  هو انا جبنا سيرة الاستقطاب قبل كده؟!

س. الاستقطاب تم من جهه والضمائر باعوها من جهه تانيه

ص. ده من نتائج التسريبات.. أهم بيتكلموا عليها

س. خير الله

ص. وهم بيطالبوا بأن القضا هو اللي يبت فيها ، بدون نشرها

نشطاء ع الفيسبوك: أشرف نور الدين

أشرف نور الدين... ناشط سياسي ع الفيسبوك

أشرف نور الدين

موقع أشرف ع الفيسبوك

* شاب بسيط ينتمى لأعرق عائلات القرية الأم التابع لها 14 قرية وتسمى البصراط مركز المنزلة دقهلية 

* عضو بيت ثقافة المنزلة منذ حوالى 25 عاما تقريبا ، وعضو بيت ثقافة البصراط دقهلية ، وعضو نقابة العمال ، وعضو حزب التحالف الشعبى ، إلا أنه يعترض علي إعلان رئيس الحزب مساندته لـ "حمضين صباحى" بسبب سبه لأبناء الزعيم الراحل جمال عبد الناصر وعائلته ، ورجاله ومنهم سامى شرف ، مما يؤكد أنه لايمت للناصريين بأى صلة .

* شارك مع الملايين من شباب مصر فى الثورة الأولى من داخل ميدان التحرير منذ بدايتها كما شارك في  الثورة لثانية .. 

 السلعوة

*  كان هدفا لمباحث أمن "السلعوة" سابقا ـ كما يطلق عليها ـ سواء خلال نشاطه فى بيوت الثقافة ، أو فى الشارع ، حيث كان  يقوم بكتابة المنشورات السياسية وتوزيعها على نفقته الشخصية ،كما استأنف هذا النشاط أيام مرسي.

* يعتز أيما اعتزاز بانتمائه إلي قرية "البصراط" دقهلية ، لمشاركتها في فعاليات الثورة ، وخروجها عن بكرة أبيها للتصويت علي الدستور الجديد ، رغم وجود ما أسماه (عوائق) خطيرة "كنا فى غنى عنها بعد ثورة"!

* يعتبر نفسه مسئولا عن مساندة الحق ، ومن هنا كانت مطالبته أجهزة الأمن بالإعلان عن أسباب القبض علي خمسة من أعضاء تنظيم الإخوان من أبناء القرية ، فى تمام الساعة الثانية قبيل الفجر ، باستخدام عربة مدرعات ومجموعة من عربات الشرطة .

ملحوظة: جميع المعلومات الواردة في هذه التدوينة جاءت نقلا عن الناشط المذكور شخصيا ، ولا تتحمل التدوينة أية مسئولية.
ــــــــ من يوميات أشرف نور الدين ـــــــــ 

كلمتين...وبس !!
من ألبوم الزكريات أيضا : فى افتتاح أكبر محطة مياه للشرب بالشرق الاوسط
بقريتى أم القرى البصراط..دقهليه !!
(للمزيد)  

ــــــــ متعلقات ــــــــ

"التيار الشعبي" يحطمون محلات الاخوان بالبصراط بالمنزلة - إخوان الدقهلية

* إهانة تلاميذ قرية البصراط المنزلة الدقهلية

معهد فتيات قريه البصراط المنزلة الدقهلية|شكاوي التعليم

 ـــــــ معلومات عن قرية البصراط منزلة دقهلية ـــــــ

*  قرية البصراط هي إحدى القرى التابعة لمركز المنزلة في محافظة الدقهلية في جمهورية مصر العربية. حسب إحصاءات سنة 2006، بلغ إجمالي السكان في البصراط 26059 نسمة، منهم 13604 رجل و12455 امرأة. (ويكيبيديا) 

مدخل القرية

  ــــــ معالم قرية البصراط مركز المنزلة ــــــ

 جامع البسراط الكبير 

من الأشياء التى أفتخر بها حاليا قيام أهالى البصراط..وبالجهود الذاتية
من الجميع ولاأستثنى أحد..وفى توقيت واحد احلال..وتجديد الجامع
الكبير أحد أعرق..وأكبر..وأشهر..المساجد بمدينة المنزلة بعد مسجد
القعقاع بن عمرو التميمى بالمنزلة نفسها !!
وزاوية المحطة..والتى كلفت أهل القرية..الكثير من الأموال ..بخلاف
عرق..وجهد بعض عمال القرية فى شتى المجالات..ولاأستطيع انكار
دور نسائنا فى التبرع بالذهب ..والمال ..

(البوست الأصلي)