ــــــــ علي خلفية انعقاد مؤتمر دعم وتنمية الاقتصاد المصري في شرم الشيخ مارس 2015 ــــــــ
* شايفة بتوع مبارك ظهروا إزاى ف شرم الشيخ؟!
ـ كله بيشوف مصلحته
* فاكرة علي الدين هلال؟
ـ اه وزير تعليم تقريبا كان عالی
علي الدين هلال وجمال مبارك خلال آخر مؤتمر للحزب الوطني
* كان ، لكن بعد كده اقترب من جمال في لجنة
السياسات ، وأصبح "وصيف" له!
ـ الاسامی من كترها دخلت ف بعض
* آهو ظهر أخيرا وبدأ يتكلم لوسائل الإعلام
ـ مبقتش عارفه احفظ اسم وزير
الا القليل
عبداللطيف المناوي في برنامج "بين نقطتين" على قناة TEN
* واللا عبد اللطيف المناوى.. فاكراه؟
ـ طبعااا
كان عامل لقاء تقريباا قريب
عبداللطيف المناوي يستضيف توني بلير على "ten"
* آهو رجع رسمي ع القناة الجديدة اللي اسمها
TEN وعامل لقاء مع توني بلير
ـ مش قلت لك ساويرس = مصلحتی اولاا
* وبيساله سؤال خطير: يقال إن السيسي عينك
مستشار له؟
ـ ايوه صح
* مانا اللي ناشره
ـ استحاله
* قريتيه بس ماقريتيش اسمي؟
ـ المناوی = مستشار السيسي استحاله
* توني بلير يابنتي!
ـ لا شفته ع اليوتيوب..بلير مستشار السيسي؟؟ازای يعنی؟
* أمال بقول إيه؟
ـ مش مصدقة
* فيه حاجات بتتنشر ، الهدف منها هز ثقة
الشعب ف السيسي! علشان يرجعوا نظام مبارك
ـ تفتكر ممكن؟؟ السيسي ياخده مستشار؟ زی اوباما ما اخد زويل..ممكن؟؟
جدارية مبارك التي رممها محمد أبو العينين في شرم الشيخ
* زى أبو العينين اللي أعاد الجدارية بتاعة
مبارك ، واللي كسرها الثوار ف 25 يناير
ـ الاقتصاد مباح فيه الكثيييير
* أنا أبديت اعتراضي ع الدعوة إلي وضع صورة
السيسي ع العملة ، وأتعشم ألا أتعرض للسباب علي صفحتك!
ـ محدش يقدر..بس ليه..لازم الأجيال الجايه تعرف هو بعد الله عمل
ايه
* مانا شرحت ليه..نترك ذلك للتاريخ فقط
ـ بقی عندك عقده مبارك
* بالضبط ، ومن قبله السادات
ـ صوابعك مش زی بعضها
مصر الحديثة
* مالناش دعوة بالصوابع ، إحنا بنرسي قواعد
لبناء دولة حديثة
ـ ومين اللی بيبنيها؟؟
* هاهاها؟!.. حتقولي هو؟.. آهو ده الخطأ
الكبير!
ـ مين اللی بيسعی بكل جهده خليك امين
30 تصحيح لـ 25
* حتنسي إن المصريين هم اللي قاموا بالثورتين
، اللي لولاهم ماكان مبارك حيمشي ، ولا مرسي والإخوان ، وماكان السيسي حيظهر أصلا!
ـ اهو بيقولك هما اللی غيروا ... ولوحبوا
يغيرو ا تانی ح يغيروا..صح؟..ولو كان خاف وماغامرش كان الوضع ايه؟
* لأ أنا مش أمين ، أنا (...)
ـ اهلااا وسهلاا بجد..بلاش انا ...
* إنتي وجيلك كله معذور
ـ والسيسي..تخسرنی كده..اذا انا حبيت عبد الناصر من السمع
* طريقة التفكير ديه هي اللي غرسها مبارك
وأبواقه وإعلامه ومناهج تعليمه ف الأجيال الجديدة
ـ لا..ده بيقولك لو حبوا يغيروا ..يغيرواا
* شوفتي بقي وصلتي لإيه؟!.. تخسرني كده!..
يبقي اللي حيشتموني ليهم حق!
ـ لا طبعاا
* لأنك حولتي الخلاف ف الرأى إلي خلاف شخصي!
ـ بس بلاش سيسي
*
وكل واحد حيعبر عن غضبه مني بطريقته الخاصة!..
ـ ده خارج المنافسة..لا..بس انت ترجمتها غلط..صوره ع. عملة .. تقدير مش اكتر ..فيها ايه؟
* ياريتك تفتكرى حدوتة الدبة اللي قتلت
صاحبها ، لأنها أحبته بقلبها ، وليس بعقلها!.. وهذا الاقتراح يضر بالسيسي أكتر مما
يفيده!
ـ لا انا مش دبه
* الصور ع العملة لا تكون دائمة ، إلا للرموز
التاريخية
مانا عارف إنك مش دبة ، بس تفكيرك زى الدبة
ـ لا..بس من النوع اللی بقدر واقيم بس..متقارنش السيس بحد
* بتقيمي وبتقدرى ابقي قولي الكلام ده ف
صندوق الانتخابات
ـ ده واحد بيحب وبيعشق بلده
* ليه بقي؟.. مافيش نبي خلاص بعد محمد
ـ مقلتش نبی
* أى حد جه بعد محمد عرضة للخطأ
ـ قلت مخلص..صح؟..يس العينه بينه
الحكم للتاريخ
* مخلص يبقي التاريخ هو اللي يحكم ، مش
انتي ولا أنا ، ولا الإخوان ، ولا رموز مبارك..سمعتي إن الأمريكان حطوا صورة إيزنهاور
ع الدولار؟..واللا الفرنساويين حطوا صورة ديجول ع الفرنك؟
ـ والله عاملك عقده مبارك
* واللا الإنجليز حطوا صورة تشرشل ع الاسترليني؟
ـ خلاص بلاش
*
مش عقدة ، بصي حولك للدول الحديثة..لعلك تكوني قد اقتنعتي!
ـ هو انا اللی اقترحت ... انا عجبتنی الفكره
يخرب بيت اللی يزعل حضرتك..شويه تلبفون..نجدك منی
* هههههههههههه!.. ضحكتيني يا بنت الذين!
ـ طب اضحك شويه
* هاهاها!.. بقي التليفون ، مش الحجة بالحجة!؟..ردى وتعالي
ـ حجة ؟..ليه خايفه منك؟
* بقولك الحجة تقولي خايفة منك؟..الحجة ديه برهان عقلي ، مش بدني!
ـ برضه عندی حججی
* مافيش خلاص
ـ مشفتش انبهار الشباب بيه..لا فيه..ومش قلت بلاش السيسي احسن
* انتي معندكيش مانع نخليها ملكية ، حبا
ف السيسي ، وتتحرق مصر والمصريين..شوفتي كلامك؟.. هو ده اللي يخوف!..السيسي عندك ف كفة ومصر ومستقبلها ف كفة..السيسي مصر ف كل لقاء يقول تحيا مصر ، وانتي
نفسك ف كل هوا تقولي يحيا السيسي
ـ عمری
* الإسرائليين كل همهم إن كل رئيس ييجي
يحط طوبة ف بناء إسرائيل ، لكن احنا مجرد ماحد حط الطوبة أو الطوبتين نقولله خليكي
بقي ماتمشيش!
تحيا مصر
ـ تحيااا مصر للابد..ويحيا اللی بيحب مصر
* حنشر الحوار المثير ده ، بدون أسماء
ـ يبقی استنی شويه لما يكمل
* تحيا مصر فقط ، لأنها هي الدائمة..أما الأشخاص فهم زائلون
ـ واللی بيحب مصر برضه
* لازم أهزمك بالضربة القاضية؟
ـ قلت ايه..مش ح تقدر..اراهنك
ليست هناك تعليقات:
إرسال تعليق